الدواجن الم وامل: دورة دواجن من الالف للياء ( وهمية )

الحمد لله ولا اله الا الله وحدة لا شريك له

له الحمد وله الملك .

يرزق من يشاء بغير حساب

ويقول جلى وعلى

(وَفِي السَّمَاءِ رِزْقُكُمْ وَمَا تُوعَدُونَ )

صدق الله العظيم

ويلا نشوف ونقرأ مع بعض والاعتراف سيد الادلة

تمت عملية التنسيق بواسطة صفحة

آل سلام لتعبئة المواد الغذائية ودواجن التسمين

https://www.facebook.com/allsallamForfoodpackagingandpoultryfattenin

==============================

هنعمل دورة وهمية فيها شوية مشاكل

مش هتعرض فيها للتحصينات لانها بتختف من مكان الى اخر

انا هستقبل كتكوت فى المنصورة وجاى من معمل فى الصعيد

وهيتاخر على ما يوصل للمزرعة

فممكن طول المسافة تعملة جفاف

فهستقبل استقبال خاص بالكتكوت اللى جاى من بعيد

https://www.facebook.com/allsallamForfoodpackagingandpoultryfattening

* ازود عدد السقايات بدل ما هحط 10 على الالف هحط 15 للاف

* هحط عسل اسود بمعدل 5 مل على اللتر + محلول معالجة الجفاف بمعدل 1.5 جم على اللتر ولو اتوفر اى الكترولايت مختص ممكن اشتغل بية

الكلام دا لمدة 12 ساعة

وال 12 الاخرى هحط مضاد سموم حمضى زى التوكسنيل بمعدل 0.5 مل على اللتر وهضيف معاة خميرة بمعدل 2 جم على اللتر

الكلام دا لمدة 48 ساعة الى ان تختفى علامات الجفاف اللى عند الكتكوت

استقبلت استقبال عادى على تايلوزين مع كولستين

لمدة 3 ايام

https://www.facebook.com/allsallamForfoodpackagingandpoultryfattening

واذا فجاء يعلى النافق من عمر 5 ايام وبعد التشريح لقيتة سالمونيللا ولانة دا منحنى السالمونييلا اللى بتيجى من البيضة

فوقفت دوا التحصين ونزلت بفلورافنيكول مع جنتاميسين بمعدل 1.5 مل للاول و0.5 مل للاخير

لمدة 48 ساعة الى ان نزل النافق

ونزلت بعدها بفيتامين مع رافع مناعة جيد لمدة 48 ساعة

مشت الدورة كويسة معايا الى عمر 22 يوم وكان فية رطوبة فى الفرشة والعامل كتم على العنبر فى الليل فبعد يومين ظهر اسهال بنى

تحول الى اصفر

ثم الى احمر

ثم بدات الاصوات التنفسية الخفيفة

https://www.facebook.com/allsallamForfoodpackagingandpoultryfattening

وبعد التشريح تاكدت من وجود الكوكسيديا فحبيت اجيب من الاخر

نزلت باى كوكس 3 مل على اللتر لمدة 12 ساعة

وال 12 الاخرى اموكسى على اعتقدام انها ممكن تيجى وراة كلستريديا خاصة ان العنبر كان مكتوم وحصل سؤء تهوية

الكلام دا لمدة 48 ساعة قبل ما النافق يرفع

وبعد العلاج نزلت مضاد سموم كويس زى السينرتوكس على اعتبار ان الكلستريديا لما بتيجى ممكن تسيبلى سمومها ودا فعلا لاحظتة على الكبد

نزلت السينرتوكس بمعدل 2 مل على اللتر 48 ساعة

ظبطت معايا الفراخ

لكن فضل الصوت زى ما هو

https://www.facebook.com/allsallamForfoodpackagingandpoultryfattening

وعلى عمر 33 يوم حصل عبار خارج المزرعة وكان العامل غير منتبهة فدل الغبار عندى وعمل اصوات تنفسية عالية

فنزلت اسبيراميسين ودوكسى فيتو لمدة 3 ايام لغاية لما استهلاك العلف ظبط وورم العين ظبط بس الصوت قل جدا لاكنة مختفاش فقلت مش مهم يختفى طالما استهلاك العلف زاد والنافق قل وشكل الكير بدا يحول كويس

وعلشان الطير بدا فى الاكل فقلت عاوز اعمل صيانة للكبد والكلى علشان احافظ علية

فنزلت على عمر 35 و 36 غسول كبدى (هيبرانول ) + غسول كلوى (نفرولايت )

وبعد يومين الطير خلص علفة وارسلت للتجار علشان ابيع كنت مطلع دورة متوسطها 2100 جم

وكانت الفرخة كويسة

https://www.facebook.com/allsallamForfoodpackagingandpoultryfattening

ولقيت السعر نازل فبعت وخسرت والحمد لله

والى القاء فى دورة اخرى بسعر اعلى

وربنا يتوب علينا من الشغلانة دى

مع تحياتى وشكرا

مهندس عاطف عبد الدايم

=======================

معلش بقى خيرها فى غيرها دورة تفوت ولا حد يموت