المقال تجميع وتنسيق ادارة صفحة
آل سلام لتعبئة المواد الغذائية ودواجن التسمين
الكٌلي :-
اكثر اعضاء الطير تعرضاً للظلم اثناء فترة التسمين
من تركيبة علف وفيروسات وبكتريا وسموم واملاح
العضو الطبيعى زى ما هو فى الصورة كدا بتكون
داخل التجويف البطني ملاصقة للظهر على جانبي العمود الفقري و تكون ذات لون بني محمر (بالأحوال الطبيعية) ولها ثلاثة فصوص أو تقسيمات مميزة
اهم وظيفة ليها هى العصارة بتاعة العلف والدم او نواتج العلف والدم بتعصرهم
ولها فوائد فرعية ايضا :-
* انتاج كرات الدم الحمرا
* حفظ املاح والكتروليتات الجسم
*انتاج هرمونات لتنظيم ضغط الدم
وبألتاكيد كل ما سبق هو الطبيعى لكلُى سليمة
اما الكٌلى المريضة :-
بتكون فى اى صورة من الصور دى
* لونها متغير عن البنى المحمر (ابيض - باهت )
* بتكون وارمة او محتقنة يعنى طالعة فوق شوية مش ملاصقة للعظام
* فتكون فصوصها طالعة جدا لفوق
* الحالبين اللى خارجين منها ظاهرين ودا معناة امتلاءهم بحمص اليويك
من نعمة ربنا ان اى جزء منها ممكن يشتغل لو حصل فشل فى باقى الاجزاء بس فى حالة الفراخ الوضعع صعب لان عملية التسمين محتاجة سرعة فى التحويل يعنى الكلية لازم تشتغل بكامل طاقتها
اسباب اصابة الكٌلى :-
الجمبورو
الاى بى
السموم
الكلستريديا
تسممات السلفا
واى نوع من انواع التسممات الاخرى
هى المصدر الوحيد للاسهال الابيض
يعنى لو شفت اسهال ابيض على الطيور تاكد ان الكلى ملتهبة
فية امور اخرى تعمل التهاب كلوى ونقرص غير الامراض زى
زيادة كالسيوم العلف
انخفاض فوسفور العلف
لان لازم التوازن بينهم اثناء تصنيع العلف
ولان الفوسفور بيعمل تحميض للبول فبيخفف من اضرار الكلى
* بعض الناس بتستعمل كربونات صوديوم علشان التخفيف من الحر
ودة بردة بيؤدى لالتهاب الكلى وتعمل نقرص لانها بتخلى البول قلوى
وخاصة لو الكالسيوم مرتفع كمان بتكون المشكلة اكبر
* نقص فيتامين أ مشكلة فى الكلى وهو اصلا نقصة بيعمل مشكلة فى اى
عضو لانة بيدخل فى تركيب بطانة معظم الاعضاء
* زيادة ملح الطعام فى العلف بردة تلهب الكلى ودا علشان الصوديوم
اما لو متوازن مع البوتاسيوم هيعمل هيعمل فشل فى القلب فقط ومش هيوصل للكلى
** التعطيش الزايد يعمل مشاكل فى الكلى وزيادة المسافة بين المعمل والمزرعة والجفاف
وبعد كل ما سبق وجب التنوية ان :
جسم بدون كلى سليمة بالتالى لن تجد تحويل سليم
حلول المحافظة على الكلى :-
اولهم ازالة المسبب بعد معرفتة
ثانيا محمضات البول فية علفية وفية مية اهم المحمضات العلفية المثيونين
بتاعة المية كتير ((كلوريد الأمونيوم أو سلفات الأمونيوم او المثنامين او الهكسامين ))
ثالثا الكترولات
رابعا فيتامين أ
ولو عملت برنامج لراحة الكلى كل 15 يوم جرعة لمدة 48 ساعة من الامور دى
يكون افضل حتى على سبيل الوقاية علشان لما يجى مسبب مرضى كلوى
تكون الخسائر اقل بمشيئة الله .
مهندس / عاطف عبدالدايم
===========================
دمتم فى رعاية الله وامنة
المقال تجميع وتنسيق ادارة صفحة
آل سلام لتعبئة المواد الغذائية ودواجن التسمين
يسمح بتداول النشر ولكن بشرط ذكر المصدر
